"Real" bosh murabbiyi Karlo Anchelotti "Jirona" bilan uy uchrashuvidan so‘ng jurnalistlarga intervyu berdi. La Liganing 24-turidan o‘rin olgan markaziy uchrashuv “qirollik” klubining 4:0 hisobidagi yirik g‘alabasi bilan yakunlandi.
“Jamoaning o‘yinini ko‘rganimdan juda xursand bo‘ldim. Bu "Real Madrid"ning joriy mavsumdagi eng yaxshi o‘yini bo‘ldi. Futbolchilarim himoyada ham, hujumda ham yaxshi harakat qilishdi. Raqibga juda ko‘p muammolarni keltirib chiqardik. Himoyachilarning jarohati bilan bog‘liq muammolar jamoaga qo‘shimcha mas’uliyat yukladi", - dedi italiyalik mutaxassis.
"Real Madrid" 61 ochkoga ega va La Liga turnir jadvalida ishonch bilan peshqadamlik qilmoqda.
