"Реал Мадрид" келаси ёзда "Жирона"нинг ўнг қанот ҳимоячиси, "Манчестер Сити"га тегишли Ян Коуто билан кучайиши мумкин.
Эслатиб ўтамиз, 21 ёшли бразилиялик "оқ-қизиллар" таркибида ижара асосида тўп тепмоқда. Журналист Хосе Феликс Диаснинг ёзишича, Коуто тез орада "Реал"га ўтмоқчи.
Кеча "Қироллик клуби" билан ўйинда бразилиялик футболчи "Сантьяго Бернабеу"даги скаутларда катта таассурот қолдирди.
Коуто жорий Испания чемпионатида битта гол урди ва олтита голли узатмани амалга оширди. Аввалроқ Ян "Реал Мадрид"нинг навбатдаги трансфер ойнаси учун номзодлар рўйхатидан жой олгани ҳақида хабар берилганди.