"Арсенал" бош мураббийи Микель Артета қишки трансфер ойнасида италиялик ярим ҳимоячи Жоржиньонинг сотилишига тўсқинлик қилди.
Бу ҳақда Grihat нашри хабар бермоқда. Манбага кўра, 32 ёшли футболчининг трансферига Туркиянинг бир қанча клублари қизиқиш билдирган: "Галатасарой", "Бешиктош" ва "Фенербахче".
Бироқ Артета футболчини мавсум охиригача сақлаб қолишга қарор қилди. Англия премьер-лигасининг жорий мавсумида Жоржиньо "канонирлар" сафида 14 та ўйин ўтказди.
Ярим ҳимоячи битта голли узатмани амалга оширди. Томонлар ўртасидаги амалдаги шартнома келаси йилнинг ёзида якунига етади.
