“Барселона” дарвозабони Марк-Андре тер Штеген белидаги жароҳатидан тузалиб кетди. Футболчи Ла Лиганинг 24-туридан ўрин олган "Гранада"га қарши ўйинда иштирок этишга тайёр.
Дарвозабон 2023 йилнинг ноябрида Германия терма жамоаси сафида белидан жароҳат олган эди. Уч ҳафта давомида дарвозабон консерватив даволанишдан ўтди, аммо шундан сўнг бу ёрдам бермагани маълум бўлди. Декабрь ойида у операция қилинди.
Катта эҳтимол билан футболчи 11 февраль куни бўлиб ўтадиган "Гранада"га қарши ўйинда майдонга тушиши мумкин.
Тер Штеген жорий мавсумда клуб сафида барча турнирларда 17 та ўйин ўтказиб, 15 та гол ўтказиб юборган. Унинг ҳисобида 8 та тоза ўйин бор.
