"Реал" ва "Челси" клубларининг собиқ бош мураббийи Жозе Моуриньо янги чемпионатда ўзини синаб кўришга тайёр. Журналист Кристиан Фальк берган хабарга кўра, португалиялик мутахассис "Бавария"ни бошқаришга тайёр.
Эслатиб ўтамиз, "қизил машина" сўнгги пайтларда Томас Тухель бошчилигида муаммоларга дуч келмоқда. Жамоа мавсум бошида Германия кубогидан чиқиб кетган ва чемпионатда пешқадам “Байер”дан 5 очко ортда қолмоқда.
Моуриньо бир неча ҳафта олдин Италиянинг "Рома"сидан ҳайдалган эди, португалиялик мутахассис кетган вақтда римликлар А Серияда 9-ўринда эди. Ҳозирда Даниэле де Росси бошчилигидаги клуб чемпионатда бешинчи ўринда бормоқда.
