"Барселона" бош мураббийи Хави Испания чемпионатининг 24-туридан ўрин олган "Гранада" билан ўйин (3:3) натижаси ҳақида фикр билдирди.

“Жамоада ишонч, жасорат ва истак бор эди, лекин афсуски, бу етарли эмас эди. Бизда "Жирона" билан фарқни йўқотиш ва чемпионлик пойгасида қолиш имконияти бор эди, аммо вазият ёмонлашди. "Гранада"ни ушбу ўйин билан табриклайман. Биз уларга хавфли дақиқаларни тақдим этдик. Ўйиндан олдин ҳам Ла Лигада ғалаба қозониш жуда қийин эди, аммо энди бу янада қийинлашди", - дея Хави сўзларини келтиради Barsa Universal.

Ҳозирда "Барселона" Испания чемпионати турнир жадвалида 51 очко билан учинчи ўринда бормоқда. Жамоа пешқадам “Реал”дан 10 очко ортда қолмоқда.