Лондоннинг “Арсенал” клуби бош мураббийи Микель Артета ярим ҳимоячи Деклан Райснинг “Вест Хэм”га (6:0) қарши ўйини ҳақида гапирди.
Англиялик ярим ҳимоячи "Арсенал"га ўтгунга қадар узоқ йиллар тўп тепган жамоасига қарши ўйинда бир гол ва иккита голли узатмани амалга оширди. Эътиборлиси, Райс "болғачилар"га урган голини нишонламади.
"Деклан "Вест Хэм"нинг ашаддий мухлиси ва мен бу кеча у учун нимани англатишини биламан. Бу унга осон бўлмади, лекин мухлислар унга яхши муносабатда бўлишди, бу муносиб кутиб олиш эди", - дея Артетанинг сўзларини келтиради инсайдер Фабрицио Романо.
