«Манчестер Юнайтед»нинг собиқ футболчиси Гари Невилл чемпионлик учун курашда «Арсенал» ва «Ливерпуль»нинг имкониятларига баҳо берди.
«Ливерпуль» 24 турдан кейин 54 очко билан АПЛ турнир жадвалида пешқадамлик қилмоқда, аммо захирасида бир ўйини бўлган «Манчестер Сити» улардан бор йўғи 2 очко ортда қолмоқда. «Арсенал» 24 ўйиндан кейин 52 очко билан учинчи ўринда бормоқда.
«Менимча, «Арсенал» ҳозир «Манчестер Сити»га энг яқини. Ҳа, «Ливерпуль» ҳозирда биринчи ўринда, жамоада ажойиб мураббий бор, аммо «Арсенал»ни кузатиб, улар «Ливерпуль»дан яхшироқ эканини кўраман», - дейди Sky Sports телеканали эксперти.
