«Manchester Yunayted»ning sobiq futbolchisi Gari Nevill chempionlik uchun kurashda «Arsenal» va «Liverpul»ning imkoniyatlariga baho berdi.

«Liverpul» 24 turdan keyin 54 ochko bilan APL turnir jadvalida peshqadamlik qilmoqda, ammo zaxirasida bir o‘yini bo‘lgan «Manchester Siti» ulardan bor yo‘g‘i 2 ochko ortda qolmoqda. «Arsenal» 24 o‘yindan keyin 52 ochko bilan uchinchi o‘rinda bormoqda.

«Menimcha, «Arsenal» hozir «Manchester Siti»ga eng yaqini. Ha, «Liverpul» hozirda birinchi o‘rinda, jamoada ajoyib murabbiy bor, ammo «Arsenal»ni kuzatib, ular «Liverpul»dan yaxshiroq ekanini ko‘raman», - deydi Sky Sports telekanali eksperti.