Марказий ҳимоячи Рафа Марин жорий мавсумдан кейин "Алавес"да қолмайди. Журналист Хосе Феликс Диаснинг хабарига кўра, испанияликнинг ижара муддати ёзда тугагач, футболчи "Реал"га қайтади.
Шу билан бирга, манбанинг хабар беришича, "қироллик клуби" раҳбарияти Марин билан келажакда нима қилиш ҳақида ҳали қарор қилмаган. Аввалроқ, "Реал Мадрид" Рафани ёзда сотишга мойиллиги ҳақида хабарлар тарқалган эди.
Испания чемпионатининг жорий мавсумида Марин 21 та ўйин ўтказди. Марказий ҳимоячига аввалроқ хориж клублари қизиқиш билдираётганди. Transfermarkt 21 ёшли Рафанинг бозор нархини 3 миллион еврога баҳоламоқда.
