"Ливерпуль" ярим ҳимоячиси Харви Эллиотт жамоадоши, уругвайлик ҳужумчи Дарвин Нуньес ҳақида гапирди.
“Дарвин ўзи хоҳлаган тарзда, танасининг исталган қисми билан гол уриши мумкин! Бош, чап ёки ўнг оёқ, тизза, елка. У бу мавсумда жамоага кўп нарсаларни олиб келадиган ажойиб футболчи. Ҳужумчиларни тўп билан таъминлаши керак бўлган шахс сифатида мен унинг қаерда бўлишини биламан. Нуньес ҳар доим гол уришни истайди", - дея Эллиоттнинг сўзларини келтиради "Ливерпуль" расмий сайти.
Жорий мавсумда 24 ёшли Дарвин Нуньес Англия премьер-лигасида 23 та ўйин ўтказиб, 8 та гол урди ва 7 та голли узатмани амалга оширди.
