Аргентина терма жамоаси Бразилияни мағлуб этди (1:0) ва футбол бўйича Олимпия ўйинларига йўлланма олди. Аргентина терма жамоаси сардори Тьяго Альмада юлдуз Лионель Мессининг Париждаги турнирда иштирок этишини истайди.
“Бизда тайёрланиш учун вақт бор. Умид қиламанки, Мессида биз учун ўйнаш истаги бор. Бу орзу бўларди. Агар Месси рози бўлса, мен унга сардорлик боғичини бераман. Ҳозир у қарор қилиши керак”, - дейди Альмада DSports нашрига.
Футбол бўйича Олимпия ўйинларида 2001 йил 1 январдан кейин туғилган футболчилардан иборат жамоалар иштирок этади. Бундан ташқари, ҳар бир жамоа ўз қайдномасига учта ёши каттароқ футболчини киритиши мумкин.
Эслатиб ўтамиз, Аргентина терма жамоаси Лео Месси билан 2008 йилги футбол бўйича Олимпиадада ғолиб чиққан.
