"Дару Салам" клубининг сенегаллик ярим ҳимоячиси Папе Даоуда Дионг "Челси"га ўтмоқда.
Фабрицио Романо хабарига кўра, 17 ёшли футболчи аллақачон жамоа билан Кобхэмда машғулот ўтказмоқда. Сенегал U-17 ярим ҳимоячиси декабрь ойида клубга қўшилган эди. Яқин орада унинг "Страсбург"га потенциал ижара бўйича қарор қабул қилинади.
Дионг 2023 йилги жаҳон чемпионатида Сенегал ёшлар терма жамоаси сафида икки марта майдонга тушган. Африка терма жамоаси 1/8 финалга чиқди ва унда Франция терма жамоасига пенальтилар сериясида (0:0, пенальтилар - 3:5) имкониятни бой берди.
