20 февраль куни Тошкентдаги «Зарафшон» киноконцертлар залида Ўзбекистон Футбол Федерациясининг йил якунларига бағишланган тадбири бўлиб ўтади. Бу ҳақда ЎФФ расмий сайти хабар тарқатди.

Мазкур тадбирда йил якунларига кўра Ўзбекистонда «энг яхши» деб топилган номинациялар бўйича совринлар ўз эгаларига топширилади. 2012 йил якунига кўра «Йилнинг энг яхши футболчиси», «Йилнинг энг яхши мураббийи», «Йилнинг энг яхши ҳаками», «Йилнинг энг яхши ёш футболчиси», «Йилнинг энг яхши ёшлар мураббийи» «Миллий Чемпионат тўпурари» ҳамда «FAIR PLAY» (Ҳалол ўйин учун) каби, жами 7 номиниция бўйича ғолиблар аниқланди.

Тантанали маросимдан катта концерт дастури ҳам ўрин олган. Энг яхшиларни такдирлаш маросими якунига етгач, таниқли санъаткорлар тадбир меҳмонларининг ҳизматида бўладилар.