Италиялик собиқ бош мураббий Фабио Капелло жорий Чемпионлар лигаси фаворитларини номлади. Италиялик мутахассис "Манчестер Сити", "Реал" ва "ПСЖ" клубларини алоҳида қайд этди.
Капелло, шунингдек, ўтган йилги турнир финалчиси - "Интер"га эътибор қаратишга чақирди.
"Реал" ва "Манчестер Сити" олдинда, "ПСЖ" бир поғона пастроқ, "Бавария" ундан ҳам орқада. Мен Италиядан ташқарида бироз паст баҳоланган "Интер"га эътибор қаратган бўлардим", - деди Капелло L’Équipe билан суҳбатда.
Мураббий, шунингдек, "ПСЖ" ҳали доминант жамоа бўлмаса-да, Луис Энрике шогирдларида ўйин фалсафаси шаклланганини таъкидлади.
Эслатиб ўтамиз, Чемпионлар лигасининг амалдаги ғолиби “Манчестер Сити” бўлиб, бугун, 13 февраль куни 1/8 финал дастлабки ўйинида “Копенгаген” билан учрашади. Ушбу ўйиннинг бошланиши Тошкент вақти билан 01:00 га белгиланган.
