Бразилиялик ярим ҳимоячи Бруно Гимараэс жорий мавсум якунида «Ньюкасл»ни тарк этмайди, деб хабар бермоқда The Telegraph журналистлари.
Манба берган маълумотларга кўра, 28 ёшли хавбек АПЛнинг жорий мавсумидаги муваффақиятсиз натижаларга қарамай, жамоада қолишга қарор қилган. Гимараэс фаолиятини Каталониянинг «Барселона» ёки «Манчестер Сити» клубларида давом эттириш вариантларидан воз кечмоқчи.
Гимараэснинг «қарғалар» билан амалдаги меҳнат шартномаси 2028 йилнинг ўрталарига қадар мўлжалланган. Бразилиялик футболчининг бозор қиймати 75 миллион еврони ташкил этади.
Англия Премьер-лигасининг жорий мавсумида ярим ҳимоячи 23 та ўйинда майдонга тушиб, ўз ҳисобига 9 та гол ва 4 та голли узатмани ёздириб қўйди.
