"Наполи" бош мураббийи Вальтер Маццарри ҳужумчи Хвича Кварацхелиянинг жорий мавсумдаги ўрни ҳақида гапирди.
Мутахассис грузиялик футболчига кўпинча жамоадошларининг ёрдами етишмаётганидан нолиди. “У бошқа позицияларни излашга ҳаракат қилади, лекин қаерга бормасин, уни учта ҳимоячи кутмоқда.
У жамоадошларининг ёрдамига муҳтож. Квара ҳар доим ҳам уч-тўрт кишини алдаб ўта олмайди", - дея Маццаррининг сўзларини келтиради Football Italia.
Жорий мавсумда 23 ёшли Кварацхелия “Наполи” сафида 30 та ўйинда майдонга тушиб, 6 та гол урди ва 5 та голли узатмани амалга оширди.
