Декабрь ойида "Манчестер Юнайтед" Жим Рэтклифф клубнинг 25 фоиз акциясини сотиб олганини эълон қилди.
Бундан ташқари, INEOS компанияси "қизил иблислар"нинг барча футбол ишларини бошқариш ҳуқуқини олди.
Энди The Telegraph нашрининг хабар беришича, Англия Премьер-лигаси келишувни маъқуллаган. Бу "Манчестер Юнайтед"нинг янги хўжайини тўлиқ вақтли иш бошлаши мумкинлигини англатади.
"Манчестер Юнайтед" айни дамда Англия чемпионати турнир жадвалида олтинчи ўринни эгаллаб турибди. Эрик тен Хаг шогирдлари навбатдаги ўйинни 18 февраль куни меҳмонда "Лутон Таун"га қарши ўтказади.