Жозе Моуриньонинг "Рома"даги сўнгги куни тафсилотлари маълум бўлди.

Эслатиб ўтамиз, январь ойида Рим клуби Моуриньони бош мураббийликдан бўшатганди. Унинг ўрнини Даниэле де Росси эгаллади.

Il Romanista нашри хабарига кўра, 16 январь куни эрталаб "Рома" хўжайини Дэн Фридкин мураббийни суҳбатга чақирган. Улар ўртасида 20 дақиқалик шиддатли суҳбат бўлиб ўтди ва клуб раҳбари Моуриньони ишдан бўшатилгани ҳақида маълум қилди.

Базага етиб келган футболчилар мураббий билан саломлашишди ва у билан гаплашмоқчи бўлишди, лекин у совуққонлик билан муносабатда бўлиб, жавоб саломлашуви билан чекланди. Жамоа тушдан кейин машғулотларга чиққанида, римликлар сардори Лоренцо Пеллегрини шкафидан Моуриньонинг узугини топиб олди – футболчилар буни аввалроқ хабар қилинганидек, Конференциялар лигасида ғалаба қозониш шарафига эмас, балки мураббийга унинг 60 ёшга тўлиши муносабати билан совға қилишганди.

Шунингдек, шкафда қуйидаги матнли ёзув бор эди: "Умид қиламанки, сиз келажакда кўп ғалаба қозонасиз. Мен ҳам муносиб инсон бўлиб етишишингизга умид қиламан". Пеллегрини жуда хафа бўлди ва бу хабар сабабини тушунолмади - у Моуриньони охиригача қўллаб-қувватлади.

Лоренцо собиқ мураббийига қўнғироқ қилганида, Жозе шундай деди: "Менга маълум бўлишича, айнан сиз президент билан гаплашган ва мени лавозимдан четлаштириш ва де Россини тайинлашни керак эканлигини айтган экансиз".

Бунга футболчи шундай жавоб берди: “Мураббий, сиз мени хафа қилдингиз. Мен ҳеч қачон бундай нарса ҳақида ўйламаган эдим. Ҳеч ким мендан ҳеч нарса сўрамади, мен бугун эрталаб базага сиз билан машғулот ўтказиш учун келдим. Бу ҳақиқат. Сиз хоҳлаган нарсангизга ишонишингиз мумкин, аммо бу шундай бўлмади".

"Унда сизни хафа қилган бўлсам узр сўрайман, мен учун ҳаммаси шу ерда тугайди" - деб жавоб берди Жозе.