Осиё чемпионлар лигаси нимчорак финал босқичидан ўрин олган «Насаф» -«Ал-Айн» учрашувидан олдин бўлиб ўтган матбуот анжуманида дарвозабон Абдувоҳид Неъматов ҳам иштирок этиб, ўз фикрлари билан ўртоқлашди.
— Эртага қизиқарли ва яхши ўйин бўлишига умид қиляпмиз. Эртанги баҳсга тайёрмиз. Ўз уйимизда бўладиган ўйинга ғалаба учун майдонга тушамиз.
"Ал-Айн"нинг кучли ва кучсиз жиҳатларини мураббийлар бизга тушунтириб беришди. Рақиб жамоа сафида стандартлардан фойдаланадиган футболчиларни ўргандим, деган умиддаман. Худо хоҳласа, диққатлироқ бўлиб ҳаракат қиламан.
— Абдувоҳид, жамоамиз ҳужум қилаётганида сиз жарима майдонини тарк этиб, кўпинча майдон марказига яқинроқ жойга келиб қоласиз. Шундай пайтда рақиб тўпни устингиздан ошириб гол уриши мумкинлиги ҳақида хавотир бўлмайдими? Ёки бу мураббий кўрсатмасими?
— Бундан қўрққанимда дарвозада турмасдим. Бошқа томондан рақиб футболчиларидан келиб чиқиб мураббийларнинг кўрсатмаси ҳам бўлади.
