«Шўртан» жамоаси ўзининг навбатдаги ўртоқлик учрашувини Қозоғистоннинг «Шахтёр» клуби ўринбосарларига қарши ўтказди. Мазкур беллашувда ғузорликлар яна йирик ҳисобда зафар қучишди. Ўтган ўйинда жамоамиз «Динамо»ни 4:0 ҳисобида мағлубиятга учратганди, бу сафар «Шахтёр» ўринбосарлари йирик ҳисобда тиз чўктирилди.

Аввалига Александр Востриков ҳисобни очган бўлса, кейин захаирадан майдонга тушган Азиз Мансуров ҳисобни 2:0га етказди. Шуни айтиш жоиз, Азиз Мансуров ўтган йилни Омскнинг «Иртиш» клубида ўтказган. У ҳозирча «Шўртан» кўригида қатнашмоқда. Яна бир гол эса қанот ҳимоячимиз Обид Жўрабоев ҳисобига ёзилди. «Оқ бўрилар» навбатдаги назорат баҳсини эртага «Қизилқум»га қарши ўтказишади.

Ўртоқлик учрашуви. 18 февраль.

«ШЎРТАН» - «ШАХТЁР» - 3:0

«Шўртан»: Павел Леус, Обид Жўрабоев, Ярослав Крушельницкий, Асрор Алиқулов, Вячеслав Пономарёв, Дилявер Абибуллаев, Аббос Омонов, Ботир Қодирқулов, Шукур Жумабоев, Александр Востриков, Павел Соломин.

Захирадан тушганлар: Александр Корнейчук, Ильнур Хазигалиев, Элёр Интизомов, Жамол Отақулов, Азиз Мансуров.

Бош ҳакам: Бахтиёр Намозов.