Аргентина терма жамоасининг собиқ бош мураббийи, 1978 йилда жамоани жаҳон чемпиони унвонига олиб чиққан Сезар Менотти Бразилия футболида содир бўлаётган воқеалардан ҳайратда.
Аввал хабар берганимиздек, Эндрик ва жамоа 2024 йилги Олимпия ўйинларига йўлланмани қўлга кирита олмади, буни Менотти чуқур инқирознинг намойиши деб ҳисоблайди:
“Бразилия футболига нима бўлаётганидан уяламан. 1970 йилда бразилияликлар учинчи марта жаҳон чемпиони бўлишганида қандай бўлганини эслайман.
Бу нима билан боғлиқлигини билмайман, эҳтимол қандайдир маданий ёки спорт турғунлигидир. Улар қандай қилиб бунчалик ёмон ўйнашларини тушунмаяпман", - дея Меноттининг сўзларини келтиради derbyderbyderby.it.
