Тошкентда йиғин ўтказаётган "Навбаҳор" вакиллари эртага сўнгги назорат учрашувини ўтказишади.
Эртага наманганликлар Бахтиёр Ашурматов бошлиқ "Гулистон" билан ўртоқлик учрашувини ўтказгач, футболчиларга 2-3 кунга дам берилади. Ўйинчилар бироз ҳордиқ олишганидан сўнг яна Тошкентда тўпланишади. Хабарингиз бор, "Навбаҳор" Олий лиганинг 1-турида "Пахтакор" меҳмони бўлади. Шу боис сўнгги йиғинни Наманганда ўтказишдан фойда йўқ. Демак, 3-мартгача "лочинлар" пойтахтда шуғулланишади.
Бугун кечки маҳал футболчилар билан шартномалар тузилиши режалаштирилган. Шундагина жамоада кимлар қолганлиги аён бўлади. Сафга қўшилиши кутилган Асқар Жадигеров жамоа машғулотларини четдан туриб кузатмоқда. Жадигеров билан музокаралар ўзининг сўнгги палласига кирган. Ойбек Қиличев масаласи сўроқ остида турибди. Агар ушбу трансферлар ижобий якунланмаса, жамоа бошқа бир ярим ҳимоячини таркибга қўшиб олади.
Зоҳидхон ИКРОМОВ
