"ПСЖ" ҳужумчиси Килиан Мбаппе Чемпионлар лигаси 1/8 финали биринчи учрашувида "Реал Сосьедад" устидан қозонилган ғалаба (2:0) ҳақида фикр билдирди.

“Ҳа, биз натижадан мамнунмиз. Биз ўз уйимизда ғалаба қозонишни хоҳладик – мақсад ҳам шу эди. Энди биз яна ўйнашимиз керак, аммо бунгача чемпионатда учта ўйинимиз бор. Айни дамда биз хурсандмиз, аммо муаммо ҳалигача ҳал этилмаган.

Чемпионлар лигасида устунликка эришиш қанчалик қийинлигини биламиз ва бугун биз буни уддаладик. Ҳозир биз ҳаракат қилишимиз, жамоавий ишларни давом эттиришимиз керак. Биз чорак финалга йўл олиш учун ғалаба қозониш ниятидамиз", - дея Мбаппенинг сўзларини келтиради УЕФА матбуот хизмати.