Ҳуқуқлари "Барселона"га тегишли бўлган даниялик ҳимоячи Андреас Кристенсен "Туманли Альбион"га қайтиши мумкин. Бу ҳақда журналист Экрем Конур ўзининг ижтимоий тармоқларида хабар бермоқда.
Инсайдер хабарига кўра, "Манчестер Юнайтед" 27 ёшли футболчини ўз сафига қўшиб олмоқчи. Манкунианликлар ёзги трансфер ойнасида Андреаснинг трансферини расмийлаштиришни истамоқда. Ҳимоячи бўйича курашда "Манчестер Юнайтед"нинг рақиби "Ньюкасл" ҳисобланади.
Кристенсен 2022 йилнинг ёзидан бери “блауграна” сафида ўйнамоқда. Бунгача даниялик Лондоннинг “Челси” жамоасида ўйнаган. Жорий мавсумда ҳимоячи барча турнирларда 27 та ўйин ўтказиб, голли узатмани амалга оширди.
