"Милан" бош мураббийи Стефано Пиоли "Наполи"ни бошқариши мумкин.
Италияда кенг тарқалган миш-мишларга кўра, “россонерилар” раҳбарияти мавсум охирида мураббийни алмаштириш ҳақида ўйламоқда. MilanReports нашрининг "Наполи"нинг собиқ футболчиси Эмануэле Калайога таянган ҳолда хабар беришича, "адзурри" президенти Аурелио Де Лаурентис аллақачон Пиоли билан боғланган: "Мен Де Лаурентис Пиоли билан алоқада бўлганини эшитдим ва ҳозир биз аниқ нимадир ҳақида гаплашаётганимизни кўришимиз керак. "Наполи" Стефанодек тажрибали мураббийни нишонга олиши мумкин, аммо ёш мутахассис бошчилигидаги узоқ муддатли лойиҳага ҳам ишлниш эҳтимоли бор", - деди собиқ форвард.
Айни дамда ишсиз Антонио Конте "Милан"да Стефано Пиоли ўрнини эгаллаши мумкин.
