“Манчестер Юнайтед”нинг 2022/2023-йилги мавсум учун таркиби Европа футболи тарихидаги энг қиммат таркибга айланди, дея хабар беради Европа футбол уюшмалари иттифоқи (УEФА).

УEФА маълумотларига кўра, "қизил иблислар" футболчиларининг трансфер қиймати сўнгги мавсумда рекорд даражада - 1,42 миллиард еврони ташкил этди.

Шундай қилиб, "Манчестер Юнайтед" "Реал"нинг 2019/2020-йилги мавсумда ўрнатган кўрсаткичини (1,33 миллиард евро) ортда қолдирди.

Эслатиб ўтамиз, “қизил иблислар” 2022/2023 йилги мавсумни Англия Премьер-лигаси турнир жадвалида учинчи ўринда якунлаб, Лига кубогини қўлга киритди ва Англия кубоги финалига чиқди.

Европа лигасида Эрик тен Хаг жамоаси чорак финал босқичида тўхтаб, “Севилья”га имкониятни бой бериб қўйди.