"Бёрнли" бош мураббийи Венсан Компани 17 февраль, шанба куни бўлиб ўтадиган Англия Премьер-лигасининг 25-туридан ўрин олган Лондоннинг "Арсенал" жамоасига қарши ўйин олдидан фикр билдирди.
“Биз сўнгги бир неча ҳафта ичида кўплаб топ жамоалар билан ўйнадик ва биламизки, бундай кунларда муваффақиятга эришиш учун ҳар доим нимадир керак. Ишонч керак. Менда бу ўйин учун сеҳрли рецепт йўқ. Уларнинг ҳар бир позициясида ақл бовар қилмайдиган ўйинчилар бор, лекин баъзида бизга қарши ўйнаш қийин бўлиши мумкин ва биз буни шанба куни кўрсатишимиз керак. Бу машғулот ва эътиқод масаласи, кейинги сафар гол уриш имконига эга бўлганингизда, тўрга зарба беришингизга ишонишингиз керак", - дея Компани сўзларини келтирмоқда "Бёрнли" расмий сайти.
Эслатиб ўтамиз, жорий мавсумда Премьер-лиганинг 24-туридан сўнг жамоа турнир жадвалида 19-ўринни эгаллаб турибди. “Арсенал” эса учинчи ўринда.
