"Барселона" Юлиан Нагельсманни бош мураббийликка номзодлар рўйхатидан олиб ташлади. Испаниянинг Sport.es нашри хабарига кўра, Каталония клуби Нагельсманни икки сабабга кўра рад этган.
Биринчидан, Европа чемпионати июл ойи ўрталарида якунланади ва ҳозирда Германия терма жамоасида ишлаётган Юлиан Нагельсманн унгача банд бўлиши мумкин. Яъни, Нагельсманн мавсумолди машғулотларни жуда кеч бошлаши мумкин, бу эса "Барселона"га тўғри келмайди.
Иккинчидан, “Барселона” бу сафар тажрибалироқ мураббийни таклиф қилмоқчи. Эслатиб ўтамиз, яқинда “Вильярреал”дан учралган мағлубиятдан сўнг Хави мавсум якунида “Барселона”ни тарк этиш қарорини эълон қилган эди.
