26 январь куни "Пахтакор" ўз майдонда Саудия Арабистонининг "Ал-Итифоқ" клубини қабул қилади. Ҳар икки жамоаларнинг тайёргарлиги тўғрисидаги маълумот  бериб ўтамиз.

Даммамнинг "Ал Иттифоқ" клуби бу йилги мавсумни ўртача савияда ўтказяпти. Ҳозирга қадар жамоа 20 учрашувда 31 очко тўплаган ва олтинчи поғонада бормоқда. Чемпионлик учун курашдан аллақачон умид узиб бўлган. Польшалик Матеж Скорца даммамликларга устозлик қилиб келяпти. Кеча "Иттифоқ" Ар-Риёдда "Ан-Наср" меҳмони бўлиб, 0:2 ҳисобида имкониятни бой берди. Учрашувда ОЧЛдаги рақибимиз қуйидаги таркибда майдонга тушди:

Файз Собия, Али аз-Зубайдий, Жамаъан ал-Жамаъан, Карлос Сантос, Яҳё аш-Шеҳрий, Аҳмад Муборак Кано (Принс Таго, 84), Ҳасан Кадеш, Юсуф ас-Салим, Султон ал-Барган, Али аз-Зақан (Ҳазза ал-Ҳазза, 90), Иброҳим ал-Иброҳим (Аҳмад ал-Муборак, 74).

Жамоадаги уч нафар легионернинг барчаси майдонда ҳаракат қилган. Булар - Карлос Сантос, Аҳмад Муборак Кано ва Принс Таго. Даммам жамоаси юртимизга 24 февраль куни чартер рейс орқали етиб келиши кутилмоқда.

"Пахтакор" эса ўтган куни Тошкентга қайтиб келди. Кеча соат 15:00да "Пахтакор" стадионида машғулот ўтказилди. Ёшлар терма жамоаси билан Туркия йиғинида бўлиб турган футболчилардан бошқа барча ўйинчилар машғулотларда иштирок этишади. "Пахтакор" ва "Ал Иттифоқ" жамоалари ўртасидаги баҳс 26 февраль куни соат 16:00да бошланади.