"Манчестер Сити" бош мураббийи Пеп Гвардиола Коул Палмернинг "Челси"даги муваффақиятини юқори баҳолади.
“Шаҳарликлар” тарбияланувчиси ўтган ёзда “кўклар” сафига қўшилганди. 21 ёшли ярим ҳимоячи тезда лондонликларнинг асосий таркибига кириб олди ва Маурисио Почеттино жамоасининг асосий фигураларидан бирига айланди.
“Биз ҳар доим ёш футболчиларимизнинг қолишини истаймиз, аммо бу нормал ҳолат. Коул тез-тез ўйнашни хоҳларди, буни тушунаман.
Биз унинг фазилатлари ҳақида биламиз. Унинг "Челси"даги таъсири жуда катта - бу фақат гол ва голли узатмаларда эмас, у жуда жиддий таҳдид.
Агар Палмер худди Фил Фоден каби шуғулланганида, у "Манчестер Сити"да қолган бўларди.
Мен унга дақиқалар бермадим ва бу менинг жавобгарлигим. Бизда Бернарду Силва, Фил, Риёд Маҳрез бор эди, кейин мен уларни танладим", - дея Гвардиоладан иқтибос келтиради City Xtra.
