"Интер" бош мураббийи Симоне Индзаги Чемпионлар лигаси доирасида "Атлетико"га қарши бўлиб ўтадиган учрашув ҳақида гапирди.
Жамоалар 1/8 финал босқичида ўзаро баҳс олиб боришади. Биринчи ўйин 20 февраль куни Миланда, жавоб учрашуви 13 март куни Мадридда бўлиб ўтади.
"Атлетико" - ажойиб мураббий бошқарадиган ажойиб жамоа. Диего Симеоне менинг дўстим. Мен уларнинг сўнгги икки ўйинини кўрдим - улар икки марта "Атлетик" ва "Севилья"га мағлуб бўлишди, лекин улар 30 та зарба беришди.
Бунгача улар кетма-кет 25 учрашувдан бери ўз уйларида мағлуб бўлишмаганди. Ажойиб жамоа, жуда юқори сифат.
Қийин рақиб, лекин биз ўз кучимизга таянамиз", - деди журналист Даниэле Мари Индзагининг сўзларини келтирган ҳолда.
