Каталониянинг “Барселона” клуби бош мураббийи Хави Эрнандес “Сельта”га қарши сафар ўйинидан сўнг ОАВ вакиллари билан суҳбатлашди.
"Истеъфога чиқишимни айтганиммдан сўнг жамоа мумкин бўлган 12 очкодан ўн очкони қўлга киритди. Менимча, бу қарор энг яхшиси эди. Жамоа олдинга қадам ташлаётганидан хурсандман. Мен бу уч очкодан мамнунман", - дея мутахассиснинг сўзларини келтиради Marca нашри.
Хави аввалроқ мавсум якунида Каталония клубини тарк этишини маълум қилган эди. “Барселона” 54 очко жамғариб, Испания чемпионати турнир жадвалида учинчи ўринни эгаллаб турибди.
