Луис Суарес "Барселона"га эмас, балки "Реал"га ўтиши мумкинлигини айтди.
"Барселона" ва "Атлетико Мадрид" клубларининг собиқ ҳужумчисининг фикрига кўра, у 2014 йилда жаҳон чемпионатидан олдин Мадридга кўчиб ўтиши мумкин эди. Луис ўша ёзда "Ливерпул"ни тарк этиб, "Барселона"га ўтган эди.
"Менинг агентим "Реал" билан гаплашди. ЖЧ-2014 олдидан Мадридликлар мени қўлга киритмоқчи эдилар ва ҳаммаси кўнгилдагидек бўлди. Улар Бенземани "Арсенал"га сотишни ўйлашди, ҳаммаси аллақачон ҳл қилинганди.
Жаҳон чемпионати бошланганда, "Барселона" курашга қўшилди ва мен "Барса"ни афзал кўрдим. Тишлаган вазият туфайли (Суарес ЖЧ-2014 ўйинида Жоржио Кьеллинини елкасидан тишлаган - муаллиф) Мадриднинг қизиқиши пасайиб, "Барселона" кўпроқ қизиқиб қолди.
Менда иккала вариант ҳам бор эди ва мен "Барса"ни танладим, чунки бу менинг орзум эди" - деди уругвайлик футболчи La Mesa билан суҳбатда.
