Туркиянинг "Истанбул Бешакшеҳир" клуби City Football Group компанияси билан шартнома имзолаганини эълон қилди.
Ҳамкорлик доирасида Суперлига клуби трансферлар, академия ривожланиши ва турли фойдали таҳлиллар бўйича тавсиялар олади.
Хабарингиз бор, City Football Group дунёнинг бир қатор футбол клубларининг эгаси ҳисобланади. Бу рўйхатга "Манчестер Сити" ва "Жирона" киради. Биринчиси ўтган йили бешта совринни қўлга киритган бўлса, иккинчиси ҳозир Испания чемпионати турнир жадвалида иккинчи ўринни эгаллаб, барчани лол қолдирмоқда.
Айни дамда "Истанбул Бешакшеҳир" Туркия чемпионати турнир жадвалида 9-ўринни эгаллаб турибди.
