Якшанба куни "Реал" Ла Лига доирасида "Райо Вальекано"га қарши сафар ўйинида дурангга эришди – 1:1.
Ҳимоячи Дани Карвахаль қисқа вақт ичида иккита сариқ карточка олганидан кейин "Лос Бланкос" ўйинни ўн киши билан якунлади. Энди у Испания чемпионатининг навбатдаги "Севилья"га қарши ўйинини ўтказиб юборишга мажбур бўлади.
Ярим ҳимоячи Эдуардо Камавинга ҳам "Севилья"га қарши ўйинни ўтказиб юборади - "Райо"га қарши ўйинда у мавсумдаги бешинчи сариқ карточкасини олди. Натижада француз дисквалификацияга учради.
Испания чемпионати доирасидаги "Реал" – "Севилья" учрашуви 25 февраль, якшанба куни бўлиб ўтади.
