"Реал" бош мураббийи Карло Анчелотти Испания чемпионатининг 25-туридан ўрин олган "Райо Вальекано"га (1:1) қарши ўйиндаги дуранг ҳақида фикр билдирди.
"Бу дурангдан мамнун эмасмиз. Пенальтигача яхши эдик, шундан кейин ўйинимиз ўзгариб, асабийлаша бошладик. Бу ерда ўйнаш ҳар доим қийин. "Райо" яхши эди. Биз очко олдик, аммо хурсанд эмасмиз", - деди Анчелотти матбуот анжуманида.
Шу билан бирга, мутахассис келажакда бу бир нуқта "Реал" учун муҳим бўлиб қолиши мумкинлигини таъкидлади.
25-турдан кейин "Реал" Испания Ла Лигаси турнир жадвалида пешқадамлик қилмоқда. Анчелотти шогирдлари ҳисобида 62 очко бор. Кейинги турда "Лос Бланкос" "Севилья" билан ўйнайди.
