2011 йилги мавсумни "Навбаҳор"да ўтказган хоразмлик форвард Рўзимбой Аҳмедов фаолиятини яна Наманганда давом эттирадиган бўлди.

Дастлаб ўтган йилги жамоаси - "Динамо" йиғинларида маълум вақт иштирок этган Аҳмедов клуб билан келиша олмагач, "Навбаҳор" йиғинларига қўшилди. Аввал ҳам Усмон Аҳмедович билан ишлаган ҳужумчи "Навбаҳор" билан бир йиллик битимга имзо чекди.

Йиғинларда қатнашган бошқа футболчилар билан ҳам янги шартномалар тузилади. Фаққтгина Рустам Боқиев масаласи мавҳумлигича қолмоқда. "Навбаҳор"да бироз шуғулланган ҳимоячи негадир клуб қароргоҳини тарк этган. Афтидан, Боқиев ўзини бошқа жамоада синаб кўрмоқчи.

Асқар Жадигеров масаласига келсак, футболчи ва клуб раҳбарлари маблағ борасида бир тўхтамга кела олишмаяпти. Шунинг учун бошқа икки футболчи сафга қўшилиши мумкин. Бугун "Гулистон" билан кечган учрашувда бир футболчи мураббийларга манзур келган. Ушбу футболчига "Навбаҳор"дан чорлов бўлган.

Зоҳидхон ИКРОМОВ тайёрлади.