Германия чемпионатининг 22-тури доирасида «Бавария» сафарда «Бохум» клуби меҳмони бўлиб, имкониятни бой берди.

Учрашувнинг 14-дақиқасида Жамол Мусиала ҳисобни очганди. Бироқ 38-дақиқада Такума Асано ва 44-Кевен Шлоттербек томонидан урилган голлар эвазига мезбонлар олдинга ўтиб олишди.

78-дақиқада эса Дайо Упамекано ишлатган фол туфайли мюнхенликлар дарвозасига пенальти белгиланган бўлса, ҳимоячи иккинчи сариқ карточка туфайли майдондан четлатилди. Кевин Штегер 11 метрли жарима зарбасидан унумли фойдаланиб, ҳисобни 3:1 кўринишига келтирди. 87-дақиқада эса Харри Кейн битта жавоб тўпини киритди. Аммо "Бавария" мағлубиятдан қутулиб қола олмади.

Томас Тухель жамаоси кетма-кет учинчи ўйинда мағлуб бўлди. Жамоа аввалроқ «Лацио» (0:1) ва «Байер»га (0:3) ютқазганди.

«Бавария» Бундеслига жадвалида «Байер»дан 8 очко ортда қолмоқда.

Германия чемпионати, 22-тур
Бохум – Бавария 3:2 (2:1, 1:1)
Голлар: 0:1 – 14 Мусиала, 1:1 – 38 Асано, 2:1 – 44 Шлоттербек, 3:1 – 78, пенальти Штегер, 3:2 – 87 Кейн.
Бохум – Риманн, Эрманн (Гамбоа, 46), Ордец, Шлоттербек, Бернардо, Машович, Лосилла (Лоосли, 90), Штегер, Асано (Ферстер, 89), Антви-Аджей (Квартенг, 79), Брошински.
Бавария – Нойер, Мазрауи (Упамекано, 33), де Лигт, Ким Мин Чжэ, Геррейру (Дайер, 79), Горетцка, Киммих (Сарагоса, 63), Мюллер (Тель, 79), Мусиала, Шупо-Мотинг (Сане, 63), Кейн.
Огоҳлантиришлар: Упамекано (39), Бернардо (45), Лосилла (45), Горетцка (50), Ким Мин Чжэ (59).
Четлатиш: Упамекано (76).