Germaniya chempionatining 22-turi doirasida «Bavariya» safarda «Boxum» klubi mehmoni bo‘lib, imkoniyatni boy berdi.

Uchrashuvning 14-daqiqasida Jamol Musiala hisobni ochgandi. Biroq 38-daqiqada Takuma Asano va 44-Keven Shlotterbek tomonidan urilgan gollar evaziga mezbonlar oldinga o‘tib olishdi.

78-daqiqada esa Dayo Upamekano ishlatgan fol tufayli myunxenliklar darvozasiga penalti belgilangan bo‘lsa, himoyachi ikkinchi sariq kartochka tufayli maydondan chetlatildi. Kevin Shteger 11 metrli jarima zarbasidan unumli foydalanib, hisobni 3:1 ko‘rinishiga keltirdi. 87-daqiqada esa Xarri Keyn bitta javob to‘pini kiritdi. Ammo "Bavariya" mag‘lubiyatdan qutulib qola olmadi.

Tomas Tuxel jamaosi ketma-ket uchinchi o‘yinda mag‘lub bo‘ldi. Jamoa avvalroq «Lasio» (0:1) va «Bayer»ga (0:3) yutqazgandi.

«Bavariya» Bundesliga jadvalida «Bayer»dan 8 ochko ortda qolmoqda.

Germaniya chempionati, 22-tur
Boxum – Bavariya 3:2 (2:1, 1:1)
Gollar: 0:1 – 14 Musiala, 1:1 – 38 Asano, 2:1 – 44 Shlotterbek, 3:1 – 78, penalti Shteger, 3:2 – 87 Keyn.
Boxum – Rimann, Ermann (Gamboa, 46), Ordes, Shlotterbek, Bernardo, Mashovich, Losilla (Loosli, 90), Shteger, Asano (Ferster, 89), Antvi-Adjey (Kvarteng, 79), Broshinski.
Bavariya – Noyer, Mazraui (Upamekano, 33), de Ligt, Kim Min Chje, Gerreyru (Dayer, 79), Goretska, Kimmix (Saragosa, 63), Myuller (Tel, 79), Musiala, Shupo-Moting (Sane, 63), Keyn.
Ogohlantirishlar: Upamekano (39), Bernardo (45), Losilla (45), Goretska (50), Kim Min Chje (59).
Chetlatish: Upamekano (76).