"Бавария" бош мураббийи Томас Тухель истеъфога чиқмоқчи эмас. У Бундеслига чемпионлиги учун курашни давом эттирмоқчи.

Эслатиб ўтамиз, мюнхенликлар сўнгги 3 та ўйинда мағлубият аламини тортишди. Жамоа Германия чемпионати жадвалида пешқадам «Байер»дан 8 очко ортда қолмоқда.

«Очиғини айтсам, чемпионлик учун имкониятимиз юқори эмас. Аммо ўтган мавсумда ҳам охиригача ғолибликка ишондик. Биз эса тўғри йўлга тушиб олишимиз керак», – деди «Бавария» устози.

Шунингдек, «Бавария» раҳбарияти ҳам кечаги мағлубиятдан кейин Тухелни истеъфога чиқармоқчи эмас.