Италия чемпионатининг 25-тури доирасида «Рома» сафарда «Фрозиноне» клуби меҳмони бўлиб, йирик ҳисобда ғалаба қозонди.

Биринчи бўлим тугашига 7 дақиқа қолганида Хейсен ҳисобни очган бўлса, иккинчи бўлимда Ардор Азмун ва Паредес ўз ҳисобига биттадан гол ёзиб, ҳисобни йирик кўринишга келтириб қўйди.

"Рома" ушбу ғалабадан кейин очколарини 41 тага етказиб қўйди. Жамоа 6-ўринни эгаллаб турибди. "Фрозиноне" эса 23 очко билан 15-ўринни банд этган.

Италия чемпионати, 25-тур
Фрозиноне – Рома 0:3 (0:1, 0:2)
Голлар: 0:1 – 38 Хейсен, 0:2 – 71 Азмун, 0:3 – 81, пенальти Паредес.
Фрозиноне – Турати, Лирола (Казо, 67), Околи, Монтеризи, Валери, Маццителли, Желли, Брешианини (Харруи, 67), Рейньер (Барренечеа, 75), Соуле (Сек, 88), Кайо Жорже (Шеддира, 67).
Рома – Свилар, Кристенсен (Челик, 67), Манчини, Хейсен (Льоренте, 46), Анхелиньо (Смоллинг, 82), Паредес, Кристанте, Бальданци (Ауар, 82), Эль-Шаарави, Лукаку (Пеллегрини, 46), Азмун.
Огоҳлантиришлар: Хейсен (39), Манчини (66), Азмун (76).