36 ёшли португалиялик дарвозабон Руй Патрисиу жорий мавсум якунида “Рома”ни тарк этиши мумкин. Бу ҳақда журналист Николо Скира ижтимоий тармоқлар орқали маълум қилди. Тажрибали футболчининг шартномаси келаси ёзда якунига етади.
Руй - "Спортинг" академияси маҳсули ҳисобланади. Ўзи тарбия топган клубини тарк этгач, у "Вулверхэмптон" учун Англия чемпионатида ўйнади. 2021 йилнинг ёзида португалиялик "Рома" сафига қўшилди.
Италия жамоаси учун Патрисиу барча турнирларда 129 та ўйин ўтказиб, 134 та гол ўтказиб юборган. 48 ўйинда дарвозабон ўз дарвозасини дахлсиз сақлаб қолди.