36 yoshli portugaliyalik darvozabon Ruy Patrisiu joriy mavsum yakunida “Roma”ni tark etishi mumkin. Bu haqda jurnalist Nikolo Skira ijtimoiy tarmoqlar orqali ma’lum qildi. Tajribali futbolchining shartnomasi kelasi yozda yakuniga yetadi.
Ruy - "Sporting" akademiyasi mahsuli hisoblanadi. O‘zi tarbiya topgan klubini tark etgach, u "Vulverxempton" uchun Angliya chempionatida o‘ynadi. 2021 yilning yozida portugaliyalik "Roma" safiga qo‘shildi.
Italiya jamoasi uchun Patrisiu barcha turnirlarda 129 ta o‘yin o‘tkazib, 134 ta gol o‘tkazib yuborgan. 48 o‘yinda darvozabon o‘z darvozasini daxlsiz saqlab qoldi.