"Манчестер Юнайтед" марказий ҳужумчиси Расмус Хёйлунд кеча Англия чемпионатининг "Лутон"га қарши ўйинидаги (2:1) ўзининг дубль ҳақида гапирди.
“Менда имкониятлар бор эди ва гол уришим керак эди. Жамоа имкон қадар кўпроқ гол уриши керак. Жамоадошларим ва мураббийимга менга ишонч билдиргани ва менга ишонгани учун раҳмат айтмоқчиман. Премьер-лигада узоқ вақт гол ура олмаганимдан жуда жаҳлим чиқди. Мен жамоамга ёрдам беришни хоҳлайман", - деди даниялик ёш ҳужумчи.
Жорий мавсумда Расмус манкунианликлар сафида 29 та учрашувда иштирок этди. Марказий ҳужумчи ҳисобида 13 та гол ва иккита голли узатма бор.
