"Челси" ва "Реал"нинг собиқ футболчиси Эден Азар фаолияти давомида етарлича яхши машғулот ўтказмагани ҳақидаги танқидларга жавоб берди. Эслатиб ўтамиз, бельгиялик футболчини бунда айрим собиқ жамоадошлари айблаган эди.

"Агар қаттиқ машқ қилсам, бошқа футболчи бўлардим, деб ўйламайман. Буларнинг ҳаммаси мен эди. Мен ҳам худди шундай машқ қилишни хоҳлардим. Мен бир ҳафта ҳаракат қилдим ва кейин ўзимга етарли, деб айтдим", деб тан олди Азар.

Азар шу кунгача "Реал Мадрид" тарихидаги энг қиммат футболчи бўлиб қолмоқда. Қироллик клуби 2019 йилда бельгиялик футболчининг трансфери учун 115 миллион евро тўлаган.