"Манчестер Юнайтед" дарвозабони Андре Онана мавсумнинг қолган қисмидан нима кутаётганини айтди. Эрик тен Хаг шогирдлари айни дамда Англия премьер-лигаси турнир жадвалида олтинчи ўринда бормоқда. Кучли тўртликдан фарқ 5 очкони ташкил этади.
“Биз худди шу руҳда давом этишимиз керак, чунки ҳали ҳеч нарсага эришганимиз йўқ. Биз ғалаба қозонишда давом этишимиз керак. Жамоа ҳар бир рақибни мағлуб этишга аҳд қилган. Кейинги ўйинларнинг ҳар бири биз учун финальдек бўлади", - дея Онана сўзларини келтиради Center Devils.
Онана ёзда "Интер"дан "Манчестер Юнайтед"га ўтган эди.
