Ҳужумчи Ромелу Лукаку жорий мавсум якунида “Челси”га қайтиши мумкин. Todofichajes хабарига кўра, бельгиялик футболчи ёзда "Стэмфорд Бридж"га қайтишини инкор этмаяпти.
Жорий мавсумда Лукаку ижара асосида тўп тепаётган "Рома" футболчини сотиб олиш учун "Челси"га 40 миллион евро тўлаши керак. Молиявий қийинчиликларни ҳисобга оладиган бўлсак, "бўрилар" учун бундай келишувга эришиш осон бўлмайди.
Бир неча кун олдин 30 ёшли Лукаку мавсум охиригача келажаги ҳақида ўйлашни истамаслигини айтганди.
Эслатиб ўтамиз, жорий мавсумда Ромелу Лукаку 31 та ўйинда 16 та гол урди ва 2 та голга ассистентлик қилди.