Hujumchi Romelu Lukaku joriy mavsum yakunida “Chelsi”ga qaytishi mumkin. Todofichajes xabariga ko‘ra, belgiyalik futbolchi yozda "Stemford Bridj"ga qaytishini inkor etmayapti.
Joriy mavsumda Lukaku ijara asosida to‘p tepayotgan "Roma" futbolchini sotib olish uchun "Chelsi"ga 40 million yevro to‘lashi kerak. Moliyaviy qiyinchiliklarni hisobga oladigan bo‘lsak, "bo‘rilar" uchun bunday kelishuvga erishish oson bo‘lmaydi.
Bir necha kun oldin 30 yoshli Lukaku mavsum oxirigacha kelajagi haqida o‘ylashni istamasligini aytgandi.
Eslatib o‘tamiz, joriy mavsumda Romelu Lukaku 31 ta o‘yinda 16 ta gol urdi va 2 ta golga assistentlik qildi.
