ЕЧЛнинг 1/8 финал доирасида илк учрашувда "Интер" ўз майдонида Мадриднинг "Атлетико" клубини қабул қилади. Учрашувдан олдин миланликлар бош мураббийи Симоне Индзаги ўйин ҳақидаги фикрлари билан ўртоқлашди.

"Атлетико" ажойиб жамоа. Улар бир неча йилдан буён энг юқори савияда ўйнашмоқда. Эртага биз муносиб қаршилик кўрсатишни истасак, бор кучимизни кўрсатишимиз керак. Улар қандай ўйнашини олдиндан айтиш қийин. "Атлетико" жуда ўзгарди. Аммо улар тўғри менталитетга эга. Жамоа жуда яхши футбол ўйнайди.

Эртага Диего Симеонени рақиб сифатида кўриш ажойиб бўлади. У ажойиб жамоадош эди ва мен ундан ажойиб мураббий чиқишини доим билардим. Биз ҳеч қачон мулоқотни тўхтатмадик" - деди Индзаги.